بساط السعاده...اقتباس من الفصل القادم

 أبعدت وصال خصلات شعرها التي تطايرت حول وجهها للخلف وهي تلتفت تجاه خطواته القادمه ناحيتها ليشرق وجهها بابتسامه واسعه وينطق قلبها بلهفه هادي 

لم تكن لهفتها توازي لهفته ليتمالك نفسه بصعوبه من أن يضمها إليه ويكتفي بترك عيناه تلتهم ملامحها وهو ينطق اسمها باشتياق جارف : وصال وحشتيني 

خفضت عيناها واحمرت وجنتها لتنتفخ وجنتها ابتسامتها 

الخجول التي وكأنها تخبره أنها مثله اشتاقت إليه 

أمام الممر المائي الذي اعتاد اللقاء بها بجواره كان يجلس بجوارها ليمد يداه الي ذلك المغلف الكبير الذي أحضره ويمد يداه إليها به : مبروك يا احلي دكتورة 

ابتسمت وصال حينما سمعت تلك الكلمه منه لتنظر الي المغلف باستفهام : ايه ده يا هادي 

ظهرت تلك الغمازات بوجنته من ابتسامته بينما يفتح ذلك المغلف الكبير ويبدأ يعد لها كل ما احضره : جبتلك سماعه وبالطو ابيض وجهاز ضغط و ....و..... خليت الواد الأمن بتاع الوحده الصحيه يشتري ليا كل الحاجات بتاعه الدكاتره 

اتسعت ابتسامه وصال لتهتف به وعيناها تشتبك بعيناه: بس دي حاجات كتير اوي يا هادي وانا لسه يا دوب طلعت نتيجه التنسيق والكليه مطلبتش مني حاجه ....كلفت نفسك 

هز رأسه وقال بحنان : مفيش حاجه تكتر عليكي يا احلي دكتورة ...وبعدين هو انا لسه هستني الكليه تطلب ...انتي بس شاوري وامرك نافذ 

نظر إلي عيونها بهيام وتابع : طب تعرفي لو عاوزة جثه اجيبهالك تشرحيها تحضر حالا 

ضحكت وصال بصخب لتطرب اذناه بضحكتها التي امتدت للحظات طويله حتي استطاعت أن تتحدث : جثه مره واحده ....

: مش قد قولي يا بنت الدكتور ولا ايه 

هزت كتفها بدلال : لا قده 

قال بابتسامه راضيه : يعني عاوزة جثه تشرحيها بايدك الناعمه دي 

ضحكت مجددا وهي تهز راسها : لا مش عاوزة 

نظرت إليه وتابعت بدلال : بس خليك فاكر عرضك عشان جايز احتاجها بعد كده يا هادي 

اوما لها بتأكيد : تحضر يا عيون هادي 

.......اقتباس تاني 

.........انت مجنون ايه في كلامي مفهمتهوش ....قولتلك لا 

استحاله اجوز بنتي واحد زيك جاهل 

نظر له هادي باحتدام : الجاهل هو اللي ماسك في كلمتين حافظهم وخلاص .... مين قال انك احسن مني ....انا باشاره مني اشغل الف دكتور زيك وباشاره مني احقق كل احلام بنتك اللي شايفها كتير اوي عليا ......الجاهل اللي بتتكلم عنه يقدر يفتح لها مستشفي ويعيشها عيشه الف دكتور ميحلمش بيها ... بلاش كل ده .... تعالي انزل انا وانت الشارع وشوف السايس هيجري يمسح عربيه مين يا دكتور 

قالها بتهكم قاصدا ليرد جرح مهاب لكرامته لتثور ثائرة وصال وتغتل ملامحها هاتفه : هادي الزم حدودك 

نظر لها هادي بحنق ولكن مهاب لم يمهله المزيد وهو يشير إلي الباب : هيجري يمسح عربيتك انت الاول عشان هو شبهك عبد القرش ....اطلع برا واياك تقرب من بنتي !

قراءه ممتعه بقلم رونا فؤاد 

ايه رايكم و توقعاتكم